Saturday, April 30, 2016

اینڈرائیڈ کے بہترین سوفٹ ویئرس 1

0 تبصرے
  سائنسی ایجادات میں دور حاضر میں موبائل سب سے اہم ہے۔ بلکہ دورحاضر کی بنیادی ضروریات میں روٹی، کپڑا، مکان کے ساتھ موبائل فون کو بھی شامل کرنا ہوگا۔


 موبائل اپنے ایجاد سے لے کر اب تک مختلف ادوار اور تجربات سے گذر چکا ہے۔ بہت سے آپریٹنگ سسٹم وجود میں آئے، اور مرور ایام کے ساتھ ان میں سے اکثر قصۂ پارینہ کا حصہ بن گئے۔ بہر حال دور حاضر میں اسمارٹ فون میں تین مشہور آپریٹنگ سسٹم مقبول ہیں۔ جن میں سب سے مقبول اور متداول آپریٹنگ سسٹم Android (اینڈرائیڈ) ہے۔

اس مضمون میں میں اینڈرائیڈ کے چند بہترین سوفٹ ویئر کا ذکر کروں گا۔


❶ گو لانچر Go Launcher Z

عموما موبائل کمپنی کی طرف سے دیا ہوا لانچر بہت اچھا نہیں ہوتا ہے۔ اس لئے اینڈرائیڈ کے سوفٹ ویئر مارکیٹ Google Play Store میں بے شمار لانچر دستیاب ہیں۔
🔹 ایڈیٹنگ کے بے شمار اختیارات: جس کے تحت آئیکون کا سائز اس کے مختلف اشکال، تعداد وغیرہ کو تبدیل کیا جاسکتا ہے۔
🔹 کار آمد شارٹ کٹس
🔹 خوب صورت ڈیزائن، تھیم اور وال پیپر
🔹 کار آمد پلگ إنز
میری ریٹنگ: ★★★★★


❷ نماز کے اوقات‌
اوقات نماز کے لئے بھی بہت سارے سوفٹ ویئر موجود ہیں۔ لیکن مندرجہ ذیل دو سب سے عمدہ ہیں۔

أ‌. صلاتك: یہ ایک بہت ہی عمدہ سوفٹ ویئر ہے۔ ہر مسلمان کے موبائل میں ہونا چاہئے۔ بہت خوب صورت اور پر کشش اپلیکیشن۔
🔹 مختلف اذانیں اور اقامت دستیاب۔
🔹 نماز کے اعتبار سے الارم سیٹ کرنے کی سہولت
🔹 خود کار سائلینٹ موڈ۔ مطلب نماز کے اوقات میں موبائل کو آٹومیٹک سائیلینٹ موڈ میں سیٹ کردیتا ہے۔ اور نماز کے بعد خود بہ خود رمل موڈ ہوجاتا ہے۔ اس کے لئے سیٹنگ میں جاکر پہلے اذان اور اقامت کے درمیان وقت کو مقامی اعتبار سے طے کرنا پڑتا ہے۔
🔹 خوب صورت ویجیٹس
🔹 قبلہ نما
میری ریٹنگ: ★★★★★

ب‌. صلاتي: یہ بھی م ٹیبل کے لئے ایک بہترین سوفٹ ویئر ہے۔ جو بہت معمولی میموری پر انسٹال ہوجاتا ہے۔ صلاتك کے مقابلے کافی ہلکا اور سادہ اپلیکیشن ہے۔
🔹 اس میں اذان موجود نہیں ہے۔ اس کے لئے آپ کو الگ سے اذان کی آڈیو ڈاؤن لوڈ کرنا ہوگا۔
🔹خود کار سائیلینٹ موڈ
🔹 بہت ہی خفیف اور کم میموری پر انسٹالیشن
🔹 خوب صورت ویجیٹس
🔹 قبلہ نما
میری ریٹنگ: ✰★★★★


کمپیوٹر میں چلنے والے سوفٹ ویئر کا موبائل ورژن۔ جس میں آپ اپنی ضرورت کے مطابق کتابیں ڈاؤنلوڈ کرکے آف لائن استعمال کرسکتے ہیں۔
🔹 بہت آسان اور عمدہ ڈیزائن
🔹 عربی زمان کی ان گنت کتابوں کا ذخیرہ
🔹 الفاظ کی تلاش مختلف ناحیوں سے
🔹 خالص عربی رسم الخط
میری ریٹنگ: ★★★★★

❹ القرآن الکریم:
الحمد للہ پلے اسٹور میں قرآن کریم کے لئے بے شمار سوفٹ ویئر ہیں۔ ہر ایک کی اپنی الگ شناخت و خصوصیات ہیں۔ چوں کہ بر صغیر کے مصاحف رسم الخط کے اعتبار سے بہت الگ ہیں۔ اور خصوصا حفاظ کرام کو ایسے سوفٹ ویئر کی تلاش ہوتی ہے جو برصغیر کے رسم الخط میں ہو۔
پھر چند مخیر حضرات نے یہ کام کیا۔ لیکن ان سوفٹ ویئرس میں کئی خامیاں رہ گئی۔ بعض کے ڈیویلپر تو لاپتہ ہوگئے۔ خیر iRoshni نامی ڈیویلپر نے یہ بیڑا اٹھایا اور برصغیر کے لئے بہترین سوفٹ ویئرس تیار کئے۔


🔹 دونوں ہی بہت عمدہ اور لاجواب ہیں۔
🔹 غلطیوں یا آخری مقام پر نشان لگانے کی سہولت
🔹 حروف یا بیک گراؤنڈ کے رنگ کو تبدیل کرنے کی سہولت
میری ریٹنگ: ★★★★★


❺ او کیبورڈ OKeyboard
بہت عمدہ اور پلے اسٹور کا سب سے بہترین کی بورڈ۔
🔹 200 زبانوں میں دستیاب۔ جس میں بر صغیر کی تمام زبانیں شامل ہیں۔
🔹 مکمل اختیار: جس کے تحت کی بورڈ کی شکل وصورت، سائز، رنگ، حروف کی ترتیب وغیرہ کو بدلا جاسکتا ہے
🔹 بہت کار آمد شارٹ کٹس
🔹 سلائیڈ اور سوائپ کی بورڈ: جس کے تحت آپ کو صرف حروف کے اوپر سے سوائپ یا سلائیڈ کرنا ہوگا۔ الفاظ خود تحریر ہوجائیں گے۔
🔹 خود کار اصلاح: اگر غلط ٹائپ ہوا ہے تو خود بہ خود صحیح املا بھی ظاہر ہوجائے گا۔
🔹 آٹو سیو، نیکسٹ ورڈ: آپ کے ذریعے ٹائپ کئے ہوئے الفاظ کو یہ یاد رکھ سکتا ہے۔ جس کی وجہ سے ہربار آپ کو ٹائپ نہیں کرنا ہوگا۔ بعد والا لفظ خود بہ خود ظاہر ہوجائے گا۔
🔹 پلے اسٹور میں سب سے چھوٹا اور کم میموری پر انسٹال ہونے والا سوفٹ ویئر
میری ریٹنگ: ★★★★★






۞۞۞

LIKE& SHARE it on Facebook


۞۞۞
Follow me on Facebook
۞۞۞

Thursday, April 28, 2016

ضرورت امام

0 تبصرے
کچھ دنوں سے ایک تحریر واٹس ایپ اور فیس بک پر گردش میں ہے۔ تحریر کو دل چسپ بنانے کی کوشش میں صاحب تحریر نے کئی بھیانک غلطیاں کی ہیں۔

میں پہلے اس تحریر کو من وعن نقل کررہا ہوں۔ اس کے بعد اس پر کچھ تعلیق و تبصرے کروں گا۔

« ضرورت امام ومدرس

ہمارے علاقے کی ایک بڑی مسجد کے خطیب صاحب نے اپنی جمعہ کی تقریر میں بتایا کچھ لوگ ان کے پاس آئے کہ ہم نے مسجد بنائی ہے اور امامت کیلئے ایسا بندہ تلاش کر رہے ہیں جو ہزار پندرہ سو روپے پر راضی ہو جائے۔ نیک پاک ہو، کسی قسم کی برائی میں مبتلا نہ ہو فارغ وقت میں کیونکہ ہمارے بچے بچیوں کو قرآن بھی پڑھائے گا اس لیئے اخلاق اور کردار کا بھی اعلیٰ ہو۔ ٹی وی نہ دیکھتا ہو، سگریٹ نہ پیتا ہو۔ اس کے اپنے گھر والے پردہ دار ہوں اور دینی تعلیم کے علاوہ کوئی اور کام نا کرتے ہوں۔ شیخ صاحب کہتے ہیں جب ان لوگوں نے بولنا بند کیا تو میں نے کہا میرے ذہن میں ایک آدمی ہے تو سہی۔ اچھا اخلاق ہے، با کردار ہے، شاید آپ سے یہ تنخواہ بھی نا لے۔ ماضی میں بہت سے اہم کام سر انجام دیتا رہا ہے مگر آج کل فارغ ہے اور ریٹائرڈ زندگی گزار رہا ہے۔ کہو تو اس کا نام بتا دوں خود جا کر مل لو۔ بندے بہت خوش ہوئے کہ جی لگتا ہے ہم ایسا ہی کوئی آدمی تلاش کر رہے تھے آپ ہمیں اس کا نام پتہ بتائیں ہم ابھی جا کر اس سے ملتے ہیں۔ شیخ صاحب نے کہا اس فارغ آدمی کا نام جبرائیل (علیہ السلام) ہے جو آپ لوگوں کی شرطوں پر پورا اترتا ہے جا کر مل لیجیئے۔ »

یہ بات ڈھکی چھپی نہیں ہے کہ ہمارے معاشرے میں ائمہ اور مؤذنین کے ساتھ حد درجہ ناروا سلوک کیا جاتا ہے۔ اور اگر موازنہ کیا جائے تو ان حضرات کو زرخرید غلام کی طرح استعمال کیا جاتا ہے۔ اکثر مساجد کا تو یہ حال ہے کہ امام مسجد کے متولی کی مرضی کے خلاف خطبے میں کچھ بھی نہیں بول سکتا ہے۔ اور ان گنت ذمہ دادیوں کے باوجود ماہانہ معاوضہ صرف اتنا کہ بہ مشکل زندگی گزر سکے۔ یہ سراسر ظلم ہے۔ اور اس کے خلاف زبان وقلم سے احتجاج ضروری ہے۔ لیکن اس احتجاج میں بھی یہ خیال رہے کہ کچھ غلط نہ ہوجائے۔

اوپر کے اقتباس میں کچھ ایسا ہی ہوا ہے۔ صاحب تحریر نے بڑے دل چسپ اور طنزیہ انداز میں معاشرے کی اس برائی پر ضرب لگانے کی کوشش کی ہے۔ لیکن وہ بھی پھسل گئے۔ 
اس تحریر میں روح الأمین، سید الملائکة حضرت جبرئیل علیہ السلام کے بارے کچھ نہایت ہی قابل اعتراض باتیں کہی گئی ہیں۔

❶ جبرئیل علیہ السلام کو آدمی کہا گیا ہے جو کہ سراسر گمراہی ہے۔ اور ایمان کے اصولوں سے انحراف ہے۔ کیوں فرشتوں پر ایمان لانا بھی ایمان کا حصہ ہے۔ اور اس کے تحت ایک مسلمان کا یہ عقیدہ ہے کہ فرشتے نور سے ہیں۔ 

❷ شاید تنخواہ نہ لے: یہ بالکل بے تکی سی بات ہے۔ یہ ان کی کارکردگی پر ایک قسم کا شک ہے اور ان کی تحقیر بھی ہے۔

❸ فارغ ہے: فرشتے کسی پل بھی فارغ نہیں ہیں۔ اور وہ ہمارے تابع نہیں، بلکہ اللہ کے حکم کے تابع ہیں۔ لہذا یہ سوچنا ہی غلط ہے! 

❹ ریٹائرڈ ہے: استغفر اللہ، اس قسم کے الفاظ استعمال کرنے سے پہلے ہمیں سوچنا چاہئے۔ ریٹائرڈ کا مطلب آپ سبھی جانتے ہیں۔ جب کوئی شخص کسی کام کے لائق نہیں رہتا یا کارکردگی میں کمی آجاتی ہے تو اسے ریٹائر کر دیتے ہیں۔ اور فرشتوں کے متعلق اس قسم کا جملہ واقعی قابل اعتراض ہے! 


بادی النظر میں مجھے بھی یہ بہت اچھا لگا تھا۔ اور عجلت میں ایک علمی گروپ میں اسے نشر بھی کیا تھا۔ میں اپنی اس لاپرواہی پر معذرت خواہ ہوں۔ اور اللہ سے توبہ کرتا ہوں۔ اللہ میری اس خطا کو معاف فرمائے۔ آمین۔



۞۞۞

LIKE& SHARE it on Facebook


۞۞۞
Follow me on Facebook
۞۞۞

Friday, April 15, 2016

خبردار فیس بکیو!

0 تبصرے

فیس بک! دور حاضر میں فیس بک اور ٹویٹر جیسے سماجی رابطے کے ویب سائٹ اور سوفٹ ویئرس کا جنون طاری ہے۔ اس کے فوائد سے کوئی انکار نہیں کرسکتا ہے۔ لیکن کبھی کبھی مذاق مذاق میں معاملہ بہت بھیانک بھی ہوجاتا ہے۔


چوں کہ فی زمانہ فیس بوک کا جنون زیادہ پایا جاتا ہے۔ اس لئے کچھ اہم امور پر گفتگو ہوگی۔

کچھ بہت ہی اہم امور کی طرف احباب کو متوجہ کرنا چاہوں گا۔ میں نے بہت سارے احباب کو چند بھیانک غلطیاں کرتے ہوئے دیکھا ہے۔ فیس بک گرچہ ایک طرح سے تفریح کا سامان ہے، لیکن اس کے استعمال میں بہت محتاط رہنا از حد ضروری ہے۔
اس موضوع پر بحث کے لئے ایک طویل مضمون کی ضرورت ہے۔ لیکن میں صرف چند نکات بیان کروں گا۔ فیس بک استعمال کرتے وقت مندرجہ ذیل امور پر دھیان دینا بہت ضروری ہے۔

❶ اپنے اکاؤنٹ میں اپنا ذاتی نام اور حقیقی معلومات ہی درج کریں: 

اگر آپ اپنی ذاتی معلومات مثلا فون نمبر، ای میل، تاریخ پیدائش، حالیہ سکونت یا مستقل سکونت کو اوروں سے پوشیدہ رکھنا چاہتے ہیں تو فیس بک پر اس کا مکمل انتظام ہے۔ لیکن غلط یا ادھورے معلومات درج کرنے پر آپ کا اکاؤنٹ بند بھی ہوسکتا ہے۔ یا پھر اگر بلاک ہوگیا ہو تو ریکوری بہت مشکل ہے۔

❷ پاسورڈ اور اکاؤنٹ کو محفوظ رکھیں: 

پاسورڈ کسی کے ساتھ شیئر نہ کریں۔ اور فوری طور پر اپنے ذاتی موبائل نمبر سے اکاؤنٹ کو سیکیور کرلیں۔ تاکہ اگر آپ کا پاسورڈ لیک ہوجائے تو بھی آپ کے اکاؤنٹ کے ساتھ خرد برد نہ کیا جاسکے۔

❸ پہلے اکاؤنٹ کو حذف کئے بغیر دوسرا اکاؤنٹ ہرگز نہ بنائیں: 

جی ہاں، ایک شخص کے لئے صرف ایک ہی اکاؤنٹ کی اجازت ہے۔ اگر آپ اپنا پاسورڈ بھول گئے ہوں تو اسے بدلنے کی کئی صورتیں ہیں۔ ان کا استعمال کر کے اکاؤنٹ دوبارہ حاصل کریں۔ لیکن دوسرا اکاؤنٹ نہ بنائیں۔ 
👿🔴❌🔺 دوسرا اکاؤنٹ بنانا سائیبر کرائم کے تحت آسکتا ہے۔ اگر پہلے اکاؤنٹ کو کسی بھی طریقے سے ریکور کرنا ناممکن ہوجائے تو اپنے دوستوں سے درخواست کریں کہ وہ اس اکاؤنٹ کو رپورٹ کریں۔ تاکہ فیس بک اسے خود بہ خود بند کردے۔ اس کے بعد ہی دوسرا اکاؤنٹ بنائیں۔

🔴ℹ ایک بات ذہن میں رکھیں کہ گرچہ ایک نام سے کئی اکاؤنٹ چلانا بہ ظاہر معمولی بات لگتی ہے، لیکن اگر خدا نخواستہ آپ کسی عدالتی معاملے میں الجھ جائیں تو آپ بری طرح پھنس سکتے ہیں۔ پھر آپ پر دہشت گردی تک کے الزامات ثابت کئے جاسکتے ہیں!  اس لئے احتیاط بہت ضروری ہے! 

❹ انجان لوگوں کو میسیج کرنے سے بچیں:
خواہ مخواہ انجان لوگوں کو میسیج نہ کریں۔ خصوصا لڑکیوں کو! اس آپ کا اکاؤنٹ بلاک ہوسکتا ہے۔

❺ ہرکس وناکس کو فرینڈ ریکویسٹ نہ بھیجیں: 

 فیس بک کی سیکیوریٹی کے تحت اگر آپ زیادہ تعداد میں لوگوں کو فرینڈ ریکویسٹ بھیجیں تو آپ کا اکاؤنٹ وقتی طور پر بلاک ہوسکتا ہے۔ اور احباب ایسی صورت میں فورا دوسرا اکاؤنٹ بنالیتے ہیں 😊

❻ اسپیم شیئر نہ کریں: 

دلفریب لنک، فحاشی والے لنک، فحش تصاویر یا ویڈیو، اسی طرح متنازعہ پوسٹ ہرگز شیئر نہ کریں۔ کیوں کہ ایسی صورت میں آپ کا اکاؤنٹ بہت آسانی سے بلاک کیا جاسکتا ہے۔ اور بسا اوقات ایسے اکاؤنٹ کو فیس بک سے حذف کردیا جاتا ہے۔

❼ قابل اعتراض امور سے بچیں: 

فیس بک پر کسی بھی قابل اعتراض امر پر ہرگز بحث نہ کریں۔ اور نہ ہی میسیج میں کسی سے بحث کریں۔ کیوں کہ ایسی باتیں حکومت کی خفیہ ایجینسیوں تک بہ آسانی پہونچ جاتی ہیں، اور ایسی صورت میں آپ مصیبت میں پڑسکتے ہیں۔

❽ کاپی رائٹ یا ذاتی ملکیت کو اجازت یا حوالے کے بغیر شئیر نہ کریں:

کسی کی تحریر، ویڈیو، تصویر وغیرہ شیئر کرنے سے پہلے اطمینان کرلیں کہ یہ مواد کاپی رائٹ کے ماتحت تو نہیں ہے!؟ اگر حقوق نشر محفوظ ہوں تو مصنف یا مالک کی اجازت ضرور لیں۔ ورنہ آپ بری طرح پھنس سکتے ہیں۔
اسی طرح کسی انجان شخص کی عام تصویریں بھی پوسٹ کرنے سے گریز کریں۔ ورنہ یہ معمولی سا پوسٹ آپ کو عدالت تک لے جاسکتا ہے۔
عموما کسی خوبصورت بچے کی تصویر یا کسی دوشیزہ کی تصویر کو لوگ بے دھڑک پوسٹ کردیتے ہیں۔ جب کہ یہ خطرناک ہے۔

❾ فیمیلی تصاویر اور ویڈیوز کو شیئر کرنے سے بچیں: 

گوکہ یہ قانونا ممنوع نہیں ہے، لیکن معاشرے میں موجود کچھ برے عناصر ایسے بھی ہوتے ہیں جو آپ کی ان تصاویر کا غلط استعمال کرکے آپ کو یا آپ کی فیمیلی کو نقصان پہونچا سکتے ہیں۔


❿🔴 خبردار! یاد رہے کہ آپ مسلم ہیں!:
اللہ کا خوف کریں۔ اور محض دوستوں کو خوش کرنے کے لئے اپنے نامۂ اعمال میں گناہوں کی گٹھریوں کا اضافہ نہ کریں۔ یاد رکھیں کہ آپ کے ذریعے نشر کی ہوئی غلط پوسٹ کو جتنے لوگ پڑھیں گے، شیئر کریں گے اور عمل کریں گے ان سب کے برابر آپ کے گناہ میں بھی اضافہ ہوتا جائے گا۔
اس لئے اب بھی ہوشیار ہوجائیں۔ اور اگر ممکن ہو تو پچھلے تمام غلط پوسٹ کو حذف کردیں۔
اللہ ہمیں توفیق دے۔ آمین۔

🔴ℹ💡
نوٹ:  اگر احباب میں سے کسی کا اکاؤنٹ کسی وجہ سے بلاک ہوگیا ہو یا دو اکاؤنٹ ہوں، تو مجھ سے میسیج میں رابطہ کرسکتے ہیں! 

ظفؔر شیر شاہ آبادی
رابطے:
ٹوئیٹر:
Masood Shaikh @skmzaf

فیس بک:
پرسنل اکاؤنٹ‌
Masood Shaikh

فین پیج
ظفر شیر شاہ آبادی

★★★



۞۞۞

LIKE& SHARE it on Facebook


۞۞۞
Follow me on Facebook
۞۞۞